Il-GRTU l-bierah infurmat lill-Ministru tal-Ambjent u l-Affarjiet Rurali l-perit George Pullicino li l-kumitat tal-ambjent tal-GRTU kien ghamel l-analazi, ir-ricerka u l-konsultazzjonijiet mehtiega biex issa hu f’pozizzjoni li jipprezenta lill-gvern applikazzjoni ghal skema kompressiva li tiehu hsieb ir-responsabbilitajiet kollha li n-negozjant Malti qed jiffacja skond l-impozizzjonijiet li ghandu fuqu mil-ligijiet lokali u direttivi ewropej.

L-iskema kompressiva li qed tipproponi l-GRTU tiehu hsieb dawn ir-responsabilitajiet:

       L-immanigjar tal-packaging tal-minerali, birer u xorb iehor fi fliexken tal-hgieg tal-plastic  u tal-metall

       Il-packaging ta’ kartun u materjal simili

       Il-waste tal-apparat elettroniku u elettriku (WEEE)

L-analazi tal-GRTU turi li jaghmel aktar sens li n-negozjant Malti jiehu hsieb li jmexxi dawn l-iskemi huwa stess milli jafda f’interessi privati kummercjali. Il-prezzijiet u c-charges li qed jigu mitluba jhallsu n-negozjanti Maltin taht l-iskemi ezistenti huma ezorbitanti u ghall-hafna ntraprizi Maltin ser ikunu daqqa qawwija hafna u f’hafna kazi l-konsumatur ser ikun mgieghel ihallas ghall-dan l-infieq esagerat.

L-iskemi li qed tipproponi l-GRTU jipprotegu bi shieh u b’mod aktar zgur minn l-iskemi li qed jigu offruti minn haddiehor illum. In-negozjant Malti jrid ikun accertat li l-obbligi li ghandu taht il-ligi u li qed ihallas biex dawn l-obbligi igorromlu haddiehor, ikunu fil-verita mhaddma skond kif titlob il-ligi ewropeja biex ma jsibx ruhu li wara li hallas jibqa xorta mghobbi bl-obbligi. L-iskemi li qed tipproponi l-GRTU jghatu dawn l-assigurazzjonijiet u aktar minn hekk ser ikunu offruti bi prezz hafna orhos milli jista joffri haddiehor u l-iskemi jkunu mhaddma minn negozjanti stess taht is-supervizjoni tal-GRTU li tirraprezenta l-interessi taghhom.

Il-GRTU ghaldaqstant taghti parir lin-negozjanti kollha li ma jintrabtu mal-ebda skema qabel ma jkunu assigurati li s-skema li fiha huma ghandhom say, li hi bi prezz affordabbli u li toffri l-assigurazzjonijiet kollha skond il-ligi. Il-GRTU fil-gimghat li gejjin ser tghati d-dettalji kollha ta’ kif ser tithaddem l-iskema, li f’isem in-negozjanti Maltin ser tmexxi l-quddiem l-GRTU.